| 可惜的是﹐事件會發生但不會自然停留於腦海之中。
自己的記憶﹐看不見﹐摸不著﹐捉不到。
一天前的有趣記憶﹐一天後可以忘記得一乾二淨。
一週前的重要記憶﹐一週後可以消失得無影無蹤。
一個月前深刻回憶﹐一個月後尋回已是大海撈針。
對很多事、很多人、很多物件有感覺﹐但時間令人事物感覺與自己的距離拉遠沖淡。
已經忘記很多我曾經想說一段歪理的事是甚麼了....
可以記起一小撮的記憶....
1)
「女仔依家野﹐我地要望都望唔黎架喇。唔好望﹐無失望。」
2)
人與貨物相遇可以靠公司策略﹐但人與人相遇相識只可以靠老天爺定下的緣。
萍水相逢有緣﹐共度餘生有緣。點頭之交有緣﹐結髮夫妻有緣。
做朋友靠緣﹐做情侶靠緣。
但縱然有緣﹐亦不可以有恃無恐。因緣會隨行為增加磨滅。
做人處世生活要中庸﹐與人相處手段亦要中庸：凡事太盡﹐緣份誓必早盡。
3)
覺得自己有點兒像一個失敗的小丑。
人前嘻皮笑臉﹐亂說話﹐亂搞笑。
人人面前掛笑容﹐笑容咀角帶不屑﹐不屑內心藏鄙視侮辱。
我是一個小丑﹐人前嘻皮笑臉﹐人後沮喪無奈。
看見帶侮辱笑容﹐面前裝作無問題﹐心內其實感到難受。
我是愛嘻皮笑臉﹐但我有自己思想。
我是愛說話﹐但我也有沉默寡言。
我會說笑話﹐但我也是悲觀的人。
人表面後帶陰暗面﹐陰暗面未必表露於人前。
但陰暗面可改變人的細微動作想法﹐人...從來都是人格分裂的動物。 |
| |
| 相隔個幾月。好似自己D 霉運未曾離開過...
個人日日都好霉咁。
最近做assignment 真係會做到天昏地暗唔知自己做過D 咩....
之後係一疊疊功夫未做。有時會炆人有時炆自己。
點解D 野搞咁耐個大殼都未搞到。
要搞到臨急臨忙至黎搏。
今日剛剛叫做搏好晒一串0既assignment。
本應比自己放一日假。但突如其來一個問題令自己又要投入番入去緊張環境到。
之後一整晚係睇住人地去諗IDEA 出黎。其實自己一整日只係0係度﹐哦嗯呀﹐D 無意義聲音令自己懷疑其實會唔會係自己能力根本就無。
見到其他人真係會幫自己諗好晒所有野﹐個人都會覺得好低落。
低落在於自己諗住一手一腳做0既野.....終果係完全由他人落晒手去完成。
我原本唔想人地辛苦抽時間出黎0既﹐結果係抽左時間去帶住自己去做。
我真係唔明白﹐到底自己0係度個價值係咩﹐自己付出左D 嘜野。
點解0係度咁耐﹐自己都會嘜野都唔識。
其實會幾驚﹐待到假以時日時﹐會比人覺得自己無料唔上唔落。
結果塞住晒﹐依個係令自己最覺得丟假0既事。
實在怕得無地自容。
|
| |
| 依排好似無嘜野講﹐好似無嘜野好講。 但其實有D 野可以0係度吹下。 1) 我的確愈來愈唔鍾意同屋企人....其實只係老豆條友去食飯。
話說緊尋日去藍灣度食飯﹐為叫套餐定係中式飯餐﹐到底叫咩餸0既飯餐。
條友一唔0岩心水又0係度擺款比面色黑口黑面﹐麻煩到嘔。 2) 早排入完個camp 之後有過團火﹐我懷疑團火係咪用錯左去懷念舊朋友。
打完fb 篇比朋友0既notes 之後好無力量去做野。 3) 開學一排﹐依排交assignment 期間﹐堂都唔上或無精神上﹐結果依排開始好識揀堂走。
其實開始有D 唔太識0既野會出現﹐但唔理得咁多﹐上lecture 吸收幾多﹐仲要溫書至可以拎到回報。
assignment 做黎就係為回報 4) 咁多件令人唔太happy 事後有D 令我自己有D good feeling 0既事。
原來條鏈係有佢0既利用價值﹐仲以為已經去左將軍澳。
聽到之後....開心﹐比人用左喎﹐仲要記得.....真的感覺還不錯。 |
| |
| 認真唔好睇少浴室為人帶來思考0既效能。
<<目標>>
足球目標是要得到最終勝利。手法眾多﹐可以漂亮地完成﹐可以醜陋地達成。
當要達到巴塞足球時。就是要於勝利當中帶來更多漂亮足球。
取得勝利的方法的不二法門是攻破他人大門。
於人際關係中的勝利﹐對方大門後的是「朋友的信任」或是「異性的感情」。
<<後防>>
後防是為保持球隊奪得勝利的第一環節。
後防是整隊的後盾 ﹐避免對方攻破自家大門 -- 失去自信心。
即使鋒線未能廝破對方﹐固若金湯的後防可助球隊得到最少的一分。
在巴塞陣中的後防﹐除了單純防守﹐還會作出兩側進攻﹐或引球上前連接著中場大腦。
在人際關係中的後防﹐是朋友﹐是外在條件﹐是流露於外的表現。
朋友直接旁敲側擊﹐或以傳「球」--意見予「中場大腦」作出下一步攻勢；
外在條件﹐外在表現則給予了「中場大腦」本錢組織一套戰術﹐一套臨場策略。
<<中場>>
中場是從後防中拿來控制組織的中樞﹐球隊的好節奏總取決於中場控制節奏的能力。
中場各人有傾向進攻或傾向防守的角色﹐巴塞的中場當中亦分工清晰。
中場的防守角色是截擊對方攻擊的第一道牆；中場的攻擊角色則是為攻勢踏出第一步。
人際關係中的中場角色總是無型的﹐因為是出於概念。
中場的防守角色是自身腦中的對人的危機意識﹐總要在危機出現時化解；
中場的攻擊角色是自身腦中的對人的待人處事﹐面對不同人作出不同對待方法。
耶耶托尼於防守角色中安份本份可以達到拆彈的工作﹐他偶爾拆彈的工作甚至可以帶來驚喜的收穫。
危機意識在處理拆彈工作後﹐則可能隨即一手帶來突如其來機會取悅他人的機會。
沙維於進攻角色中作出他的貢獻﹐他的承後啟前帶來流暢的攻勢。
針對的待人處事﹐帶來滿足他人的行為﹐取得人人喜歡的結果。
<<前鋒>>
前鋒是最接近攻破對方大門的位置﹐位置上每個角色亦有個別能力得到分數。
在巴塞三叉戟中存在著兩種大方向：細膩技術及直接攻門。
在人際關係中則存在著兩種大取向：直接了當或尋找機會。
美斯是從技術中找尋機會的佼佼者﹐每每運用快人一步的預視﹐少人一點的多餘動作擺脫阻礙。
人在選擇尋找機會時總要快人一步﹐亦要減卻多餘的少動作﹐預視可以把握的機會而出手。
伊度奧是那種直接了當的模範﹐面對目標﹐不必用細少過人動作而立即射出充滿力量的射門。失敗次數較多但不斷嘗試下總找到收穫。
在直接了當的攻擊上﹐碰壁觸礁的機會次數多的很但卻是最容易採用的方法﹐向著目標不斷嘗試而得來較少的成果。
<<意識形態>>
足球進攻大致可分為長傳急攻或是小組滲入(按：細節中可分類更多)
長傳急攻是以直接傳球及快速走動﹐追求效率但缺少細緻配合﹐且面前較多阻礙。
小組滲入則以互相短傳、精準走位﹐滲入至對方要地再擊破﹐需時較長但攻門時已無法抵擋。
巴塞隆拿逐漸融合兩種進攻模式﹐時而在小組中配合﹐時而以長直球直接宰開對方屏障。
在人際當中﹐可以直接了當的發出攻勢﹐以簡單直接的表達將自己心意傳播﹐只是得失的效果都大。
成功的時候﹐可以取得所有﹐朋友的信任、異性的感覺；失敗時﹐失去一切﹐朋友的友情、異性的回應。
同時可以無數次動作消除了面前的各個障礙﹐但需要很多時間﹐而且一不小心﹐主導權便會失去﹐落入對方手中。
球隊無從入手時﹐可能冒險攻入﹐或是向後傳送﹐重新組織。
在人際上﹐冒險進行交流經常得至焦頭爛額﹐但卻有一點成功希望；
另一種方法﹐無法入手時從新在外圍游離﹐但永遠也只是在外圍游離﹐甚或被人斷球並以反擊擊倒自己。
<<結論>>
如何能夠在球賽、戰術中取得優勢﹐繼而得來勝利﹐取決了球員表現﹐還有主帥的意念決斷﹐如何挑選人選﹐如何糅合各戰術。
人際上的優勢及勝利﹐也是靠著勇氣、概念、創意、本錢﹐融入著不同的手法行動以獲得他人信任或是異性對自己的感覺。
天下球壇間出現著眾多名帥：費sir、雲加、卡比路、列納﹐還有首季便為巴塞帶來三冠的哥迪奧拿。他們也有不同的戰術概念而對付不同的對手﹐取勝﹐得到一頁又一頁的成功篇章。
人際間的名帥﹐其實只不過是自己﹐不斷扭盡六壬取得最後勝利。在遇到障礙﹐碰壁時總有方法解決問題。
可恨的.....卻是我沒有任何一個人際上名帥的特質、勇氣﹐帶領著自己的球隊 ---- 自己﹐總是輸掉比場告終。我見證的.....總會是其他「名帥」取得成就的一幕﹐但總不能親自體驗....... |
| |
| 真係感覺到一個低潮0係度。
引發0既係七日一份assignment。
搞到每一日都係提心吊膽地搵料。
但幾神奇地依家會擺好多心機去搵資料而唔係去抄書。
都0岩0既﹐抄書的話就實死無生。
星期六去左操。個朝早﹐好似表現都ok。
但一到下午真係將整個心情都打到沉晒。
玩野真係唔係咁o岩我。
夜晚開會時個人係散散地﹐個腦癱癱地。
走0個陣都真係幾想靜靜地搵個位坐低訓覺好。
星期日﹐踢波。一起身已經周身痛。
一係以前太耐無操﹐依家操起唔慣。
一係就病﹐後者可能性真係幾高。
踢波﹐失波可以避免﹐輸自己的話真係無可寬恕。
我係一個希望人地對我無期望﹐但自己對自己好有要求0既人。
當我真係表現好﹐點都開心。當人地有唔滿意時﹐我一定唔妥自己表現。
但當人地滿意時﹐我都可能會因為某D 野而不滿自己。
踢踢下波﹐個感覺上﹐自己好似0係球場好似唔存在一樣。
出面個波滾緊﹐但我個人企0係度望﹐同埋無反應....
下午返到屋企沖埋個涼下午開始做要做0既野。assignment。
做得幾慢下同埋幾無效率﹐組織。好多樣只係盲目舖出黎塞入去。
好似係好多墨水﹐但墨0既成份係無嘜。做到三點擺低左。
今日又開工﹐但其實係一起身先hea一hea 至動身。
第一站去醫生度掛號﹐睇埋醫生至開手做野。
結果做下做下﹐做晒份無料到0既assignment。
聽日要繼續渾噩上堂生活喇。
|
| |
